Om susupo dengar-dengar, so te lama lagi ini pagawenya pamarentah somo batarima tambahan pandapatan, mulai dari gaji 13 deng gaji 14 atau biasa dorang bilang tunjangan hari raya. Yah, pamarentah so kase perhatian hebat sama pagawe negeri, tagal itu musti diimbangi deng bakarja yang bagus, balayani masyarakat, kon jang ada lagi yang pamalas maso kantor, pamalas ba urus rakyat, apalagi kalu pamalas karja. Musti rajin bakarja
Om susupo dengar-dengar, so te lama lagi ini pagawenya pamarentah somo batarima tambahan pandapatan, mulai dari gaji 13 deng gaji 14 atau biasa dorang bilang tunjangan hari raya. Yah, pamarentah so kase perhatian hebat sama pagawe negeri, tagal itu musti diimbangi deng bakarja yang bagus, balayani masyarakat, kon jang ada lagi yang pamalas maso kantor, pamalas ba urus rakyat, apalagi kalu pamalas karja.
Noh bayangkan, ini bulan dalam satu taon cuma ada 12, cuma pamarentah so bikin tambahan, kon dikase nama gaji 13 deng gaji 14. Dengar-dengar, pamarentah bilang gaji 13 buat babantu ini pagawe babiayai depe anak pe skolah, kon gaji 14 buat tunjangan hari raya. Yah, kalu so bagini, kan so sadaap hidupnya pagawe, karna so ada yang bisa diharap buat ba hari raya deng buat depe anak pe skolah. Bayangkan kasian deng rakyat laen yang bukan pagawe negeri atau bukan ptugasnya pamarentah, macam tukang ojek, tukang cukur rambut, panjual, petani deng nelayan atau buruh kasar, musti baku cari sandiri tambahan buat dorang pe kabutuhan mo hari raya atau buat bakase skolah depe anak.
Tagal itu, buat ini yang badapat gaji 13 deng 14, jang talalo banyak mengeluh, termasuk soal gas elpiji 3 kilo. Mulai skarang, ini pagawe negeri memang jang lagi bapake gas elpiji yang buat rakyat miskin ko te badapat sagala rupa tunjangan, supaya itu gas bisa tasadia buat rakyat kacili. Buat ini pagawe-pagawe negeri, bacari saja gas 5 kilo atau sekalian yang 12 kilo, karna dorang pe hidup memang so lebeh bae dari rakyat yang laen. Kon yang paling penting, musti rajin bakarja..**
Disclaimer: Gambar, artikel ataupun video yang ada di web ini terkadang berasal dari berbagai sumber media lain. Hak Cipta sepenuhnya dipegang oleh sumber tersebut. Jika ada masalah terkait hal ini, Anda dapat menghubungi kami melalui halaman kontak
